تجاربكم الخربوطية..

بسم الله الرحمن الرحيم..

كيفكم خوخيات وخوخيين؟؟

لازم يمر يوم سواء كنت صبي ولا بنت تبي تجرب وتعفس في المطبخ..
وتخترع شي..
او بجيك اصحابك او عندك طبخة والمقادير غير متوفرة..فتخربط وتغير المقادير
ومرة تنجح ..ومرة تفشل ..ومرة تمرض

في هذا الموضوع نبيكم تحطو خربوطاتكم وعفايسكم..
والظروف الا خلتكم تسوا كذا..وقصتكم داك اليوم..
وهل نجحت ديك التجربة ولا لا؟؟..

ياخيه ياخيه .. احنا ناس احتراف.. مااحد يخربط كله شغل عدل استعدوا للصواريخ

.. ذكرتيني اول امس ماادري اللي قبله

حيث كانت الشقة قحط .. و في منتصف الليل .. حيث كان الظلام دامساً
و البطن خاوياً >> لا غدا ولا عشا ولا حتى كسرة خبز
خفت انزل تحت .. لا شسمه يعنو .. ماخااف ترى اني >> مين طرى الخوف ؟
قمت اشوف المقادير تشان اسد جوعي بقليل من الطعام
الا فيه
قشطة
كورن فلكس
حليب ابو قوس
نسكويك
و سائل الشوكلا المركز

فماليي الا اسوي خلطة بهذي الامور

ويستوي حلا مايخطر على البال فديتني بالفطرة الذووق

و سويت حافظة متوسطة الحجم
اكلت شوي و تالي شوي و تالي شوي

تالي عورتني ضروسي

اييه وسلامتكم مع انها لذيذة مرة بس الله لا يجيب الجوع تراه كافر

شوي شوي لا يطيح السقف علينا..ياام الصواريخ
مشكوووورة على الرد خيوووه..

في مرة بتجي صديقتي وحزت الحزة واشترطت كيكة باردة وهي ما تحب اي نوع من الكيك الحار..
المهم ما كان عندي مقادير حق كيكة باردة..لابسكوت ولا قشطة ولا كريم كارميل ولاجلو..
وماحد من الاخوان راضي يشتري من البقالة..
رحت سويت كيكة عادية فانيليا ..وقمت افكر ويش اسوي؟؟
قمت نتفتها وكسرت الكيكة المسكينة .. ما تنعرف انها كيكة..
وكبيت عليها حليب ورصيتها عدل في الصينية..
شفت اسكريم فراولا في الفريز يمكن اله شهر ما حدا داناه..اهم شي مو مخلص تاريخه..
وخلطه مع الدريم ويب..
وتالي شفت في الثلاجة جبن كيري..وقلت الكيري حلو مع الكيكات خلنا نحطه..
وكسرته وخلطته مع الاسكريم..واني اقول شان ما تمرض صديقتي من هالطبخة..
وتالي اكلتها لمن جت وعجبتها..
وكانت عادتا تتصل يوميا ويومين ما اتصلت وانا اتصل فيها ما ترد من جت بيتنا وانا اقول شان ماماتت من الكيكة..
بس الله ستر ما ماتت..